احساس ميت

وش اكثر من نزيف الجرح وش اكثر من شتات انسان

و ش اكثر من سكوت الارض على خطـوات اقدامـي


وش اكثر من الم شاعر وش اكثر من سكوت لسـان

وش اكثر من احساس ميت وش اكثر من عمـر ضامـي


وش اكثر من امل ضايع وش اكثر من عمر عطشـان

وش اكثر لو دفنت اليوم فـي ارض اليـاس احلامـي


غريب ارحل غريب اوصل غريب الاسـم والاوطـان

ذبـل وجهـي مـن الضحكـه ولاتنقلنـي عظـامـي


تجـرد هالزمـن منـي رمانـي لااسفـل النسـيـان

غرقـت بصمتـي الاخـرس وانـا منفـاي قدامـي


اسافـر واطـوي دروبـي يسافـر فينـي الكتـمـان

على لحن الوجـع غنيـت قصايـد جرحـي الدامـي


قصيدة هم قصيـده خـوف قصايـد تمتلـي احـزان

قصايـد وان قراهـا فـيـوم عــدوي لام ايـامـي


علـى فرحـة عمـر ميـت انـا عديـت كالجثمـان

وعلى مر الصبـر مريـت شربـت وزدت بإيهامـي


عبـرت بكـل هقواتـي وشوفينـي رفـات انسـان

وقعـت وارتمـى فوقـي غبـار الارض وحطـامـي

الله يخليك

يسلمووووووووو
عالمرور