منتديات وولف

كل ما هو جديد فى منتدى الذئب
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 نـــكـــــ 2008 ــــتــ روووعــــهــ ......

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hameed
ذئب مبدع
ذئب مبدع


عدد الرسائل : 377
تاريخ التسجيل : 28/07/2007

مُساهمةموضوع: نـــكـــــ 2008 ــــتــ روووعــــهــ ......   الجمعة أغسطس 31, 2007 8:16 pm

واحد مسطولـ قتل عسكرى ,, راح اتصل بـ 122 قالهم احب ابلغكم انكم بئيتوا 121



واحد بيسئل أبوهـ ,,, هيه الحمير بتتجوز ,,, قاله يابنى مبيتجوزش أصلا غير الحمير


واحدهـ سودهـ أوى ركبها عفريتـ حالوا يطلعوهـ قالهم نفسى أطلع بس مش شايفـ


واحدة بتقول لجوزها اطرد السواق ده كان حيموتني مرتين في حادثة قال لها: خلينا نديله فرصة ثالثة


واحد صعيدى بيقول لابوهـ انا عاوز موبايل ,,, قاله موافق بس تركب أخواتك معاك


واحد مسطولـ بيقول لوحد مسطولـ تانى شايف الصرصار اللى على الحيطه دا
قاله شايف الصرصار بس مش شايف الحيطه


واحد بلديتنا قاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه
فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه
فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول


مرة واحد بيحلم كل يوم بماتشات كتاكيت... راح للدكتور... فقاله هديلك
حقنة دلوقتي ومش هاتحلم بيهم تاني خالص... قاله
خليها بكرة يا دكتور علشان النهاردة ماتش النهائي


طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة... يومين و
لاقى صرصار فقال له لو مكنتش ابنى كنت قتلتك


واحد رخم قرصه ثعبان قعد يضحك يضحك الثعبان قاله مالك بتضحك ليه
دانا قرصتك قاله اصلي أنا عندي الايدز


اتنين بلدياتنا فكروا يلعبوا شطرنج ... الملك ضرب نفسه بالنار



واحد بلديتنا راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي
راح كتب على الجلابية عصير قصب



مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة


تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش



واحد بخيل شغال فى الخليج بعت لمراتة جواب بيقولها فية حبيبتى الغالية اعذرينى انا لا استطيع ارسال راتبى هذا الشهر لذا ارسل لكى 100 قبلة مع خالص تحياتى زوجك العزيز


اجابتة الزوجة برسالة بعد عدة ايام

قالت فيها

زوجى الاغلى شكرا لقبلاتك المائة التى ارسلتها لى فى رسالتك وهذ كشف صرف هذة القبلات فمنها
4 قبلات لبائع اللبن
8قبلات للمدرس الخصوصى
30 لصاحب البيت
5 لبائع الخضار
3 لبائع العيش
مع تخصيص
20 قبلة لباقى الديانة
اما الباقى سوف احاول تغطية بقية الشهر وكذلك مواجهة مصروفات الطوارئ

التوقيع زوجتك المدبرة



واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟ !!!



واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة



غبي راح عمل سشوار عند الحلاق وقال عندي فرح بعد اسبوع وعايز شعري يفضل حلو كده الحلاق قاله بس ابعد عن الميه -- رجع بعد 3 ايام بيقول للحلاق ...... عطشـــاااااااان


واحد دخل صيدلية وقال للصيدلي إديني حقنة من اللي بتاخدها مراتي.... الصيدلي قال له إسمها إيه؟ قالو مديحة



مرة واحد قصيرراح يشهد فى المحكمة القاضى بيقول له قول والله العظيم اقول الحق قاله والله العظيم اقول الحق راح قاله اسمك ايه قاله نخلة قاله انت هتكدب من اولها



مساطيل قاعدين بيصيدوا ضبابير ، عدّت من فوقيهم هليكوبتر .... واحد منهم قال أمهم جت اهربوووووووووو


واحد بيقول لمراته أنا عايز لما أرجع من الشغل النهارده ألاقيكى عاملة محشى... قالتله بس أنا ماعرفش أعمل محشى... قالها ماليش دعوه أنا عايز محشى وسابها ونزل... ولما رجع لقى ترابيزة السفرة كلها محشى قالها طيب المحشى ده جه منين؟؟؟ قالتله الظاهر كده ان البيت فيه عفاريت قالها عفاريت !!! يبقى لازم نعزل دلوقتى نروح حلوان ، .جاب عربية نقل علشان يحمل العفش ، لاقى العفش بيتحمل لوحده و الثلاجة والمكتب وغرفة السفرة ولالقى أربع عفاريت واقفين فوق العربية وبيقولوا ..هيييييييييييييييييييييية حانروح حلواااان...حانروح حلواااان



ندل راح للمقابــر ومشغل التسجيل على اغنية : الحيــاة حلوة..!!

واحد نذل عينوه وزير داخلية، غير رقم الطوارئ من 122 إلى



09742806329577935



اتنين اندال ماشيين حبوا يشوفوا مين منهم اكتر ندالة من التانى



الأولانى شاف ست عجوزة راح رفسها في بطنها

و قال للتاني شفت النداله ؟

التانى قاله:انا اندل منك لان دى امى

ندل صور أبوه وهما بيدفنوه فيديو وكل يوم يفرج الشريط لأمه!!

ندل اتصل على الإذاعة (الراديو) وطلب أغنية بابا فين وأهداها للأيتام


بيقولك ولد صغير كل يوم يعدي على البقال يقوله عندك شيبسي يقوله
البقال ايوه يقوله طيب اديني كيس لايز....اليوم اللي بعده يقوله عندك
هوهوز يقوله ايوا عندي الولد يقوله طيب اديني اتنين توينكيز....و كل
يوم بالشكل ده. البقال اشتكى لأبو الولد الصغير و حكاله فالاب انفعل
جدا و قال للبقال: عند عصايه؟ قاله: ايوا الاب قاله : اديله بالألم


محشش متأخر عن الشغل.. قومته أمه بسرعة .. لبس بدلة أخوه الضابط
بالغلط .. لما وصل الشغل .. وشاف نفسه .. قال : ماما مش مركزه
صحت اخويا وافتكرته انا


محشش يسأل اخوه :
تخيل تقوم الصبح تلقى نفسك ميت ؟؟!!
قال : والله آنتحر !!!!!!!!!!!


محشش راح يعزي .. سأل المرحوم كان بيشتغل ايه؟
قالوا له : حفار قبور
قال : من حفر حفرة لأخيه......


فصل كله حولان بعيد عنكم
و كل واحد بيكتب في كشكول اللي جنبه
المدرسة قالتلهم اللي هايكتب في كشكوله هاديه شكولاتة
واحد كتب في كشكوله فرحت بيه واديته الشكولاته قام حطها في بؤ اللي جنبه


ابو العربى فى حرب اكتوبر راكب فلوكه فى القنال وبيحكى ويقول
لقيت فوقى واد طيار اسرائيلى اول ما شفنى حدف عليا صاروخ قمت زقيته
راح حادف واحد تانى وطيت راسى راح جاى فى الفلوكه
وقعت فى المية واتشعلقت فى خشبة وقعت اجدف بيدى
حدف عليا صاروخ تانى قمت غاطس فى القنال
برده لقيته نازل بالطيارة عليا وقرب منى خالص وحدفلى سيجارة مارلبورو وقال لي جدع يلاااا


مرة واحد اشترى غسالة فول أوتوماتيك
مراته عزمت الجيران علشان يشوفوها حطت في الغسالة 20 كيلو غسيل
والغسالة يا عيني بتاخد بس 7 كيلو بس
وشغلتها والجيران باركولها وعزمتهم على كباية شاي
وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة
شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره


مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام


استاذ سأل تلميذ الثعلب بيولد ولا بيبيض قاله ده مكار اتوقع منه اي حاجه


اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!!!



مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انتي بهيم دي بتاكل ذدرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه



واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه


واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول


نمله ماتت على الشط فبيسألو مسطول تعتقد ليه ماتت؟ قال ضحايا تايتنك


مرة واحد غبى اوى ومسطول فى نفس الوقت كان شايل مسامير فى ايدة المهم وهو ماشى مسمار وقع من ايدة وبقيت المسامير اللى فى ايدة لسه فى ايدة المهم قال للمسار اطلع يا مسمار مرديش راح فتح ايدة وقال للمسامير انزلوا جيبوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moataz gaafar
مشرف قسم الفوتوشوب والفلاشات
مشرف قسم الفوتوشوب والفلاشات
avatar

عدد الرسائل : 48
تاريخ التسجيل : 16/08/2007

مُساهمةموضوع: رد: نـــكـــــ 2008 ــــتــ روووعــــهــ ......   الأحد سبتمبر 02, 2007 11:24 pm

هههههههههههههههههههه شكرا..... جميله اوى النكت دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hameed
ذئب مبدع
ذئب مبدع


عدد الرسائل : 377
تاريخ التسجيل : 28/07/2007

مُساهمةموضوع: رد: نـــكـــــ 2008 ــــتــ روووعــــهــ ......   الخميس سبتمبر 06, 2007 7:41 pm

مرورك الجميل موترز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نـــكـــــ 2008 ــــتــ روووعــــهــ ......
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» مفاضلة الموازي 2008 2009 علمي
» البوم سميرة أحمد ماليش غير ربنا 2008
» البوم هايدى منتصر " عارفنى" 2008
» لاندكروزر هـدد 2008 ابيض ( صور )
» البوم بيجو عند امة 2008

صلاحيات هذا المنتدى:لاتستطيع الرد على المواضيع في هذا المنتدى
منتديات وولف :: النكت والألغاز-
انتقل الى: